Ingredientes:
🔸 500 g de feixóns negros
🔸 250 g de chourizos
🔸 250 g de solombo
🔸 250 g de touciño
🔸 300 g de costela de porco
🔸 1 chisco de sal
🔸 1 pemento vermello
🔸 1 pemento verde
🔸 1 cebola
🔸 2 dentes de allo
🔸 1 tomate
🔸 Arroz (para acompañar)
Preparación:
1. Antes de máis, deixamos en remollo os feixóns durante a noite.
2. O primeiro paso é cocer os feixóns. Para iso, botámolos nunha pota e cubrímolos con tres dedos de auga, mais ou menos. Poñémolos a cocer durante 20 min.
3. A seguir, selamos nun tixola a carne e reservámola.
4. Facemos un sofrito cos allos, a cebola, os pementos e o tomate. Cando estea listo, botamos os feixóns e a carne. Engadimos máis auga se for necesario e deixamos que se coza todo a lume baixo uns 45 minutos. Saberemos que está no seu punto cando os feixóns estean brandiños e teñamos un caldo cremoso. Cómpre non nos esquecermos de salpementar.
5. Servimos a feijoada acompañada de arroz que facemos ao noso gusto. Bo proveito!
🍊 Se fas esta receita, non esquezas de etiquetarnos e de partillala co cancelo #medialaranxa !!