Ingredientes para a bica:
🔸 8 claras
🔸 350 ml de nata
🔸 350 g de fariña
🔸 200 g de azucre
🔸 Reladura dun limón (opcional)
🔸 Canela (opcional)
Ingredientes para a crema inglesa:
🔸 8 xemas
🔸 600 ml de leite
🔸 1 pau de canela
🔸 200 g de azucre
Preparación:
1. Para facermos a bica, primeiro batemos as claras a punto de neve con 150 gr azucre. A seguir, incorporamos a fariña, previamente peneirada, con movementos envolventes. Se quixermos, podemos engadir a reladura do limón.
2. Por último, engadimos a nata montada con movementos envolventes para que non perda aire o amoado.
3. Vertemos a masa nun molde engraxado ou con papel vexetal e empoamos por riba con 50 g de azucre restante e, se quixermos, canela.
4. Enfornamos a 180ºC durante 45 minutos.
5. Para prepararmos a crema inglesa, poñemos o leite a ferver coa metade do azucre e coa canela para que emulsione. Mentres batemos as xemas co azucre.
6. Cando o leite estea emulsionado, deixamos que arrefríe un pouco e vertémolo sobre as xemas pouco a pouco. Despois, botamos a crema nun cazo a lume medio até que espese. É importante que non ferva. Así que teremos que estar uns cinco minutos dando voltas até que colla a espesura de crema.
7. Servimos a bica sobre a crema inglesa e listo Bo proveito!
🍊 Se fas esta receita, non esquezas de etiquetarnos e de partillala co cancelo #medialaranxa !!