Ingredientes para o biscoito de chocolate:
🔸 2 ovos
🔸 120 g de fariña
🔸 80 g de AOVE
🔸 40 g de cacao
🔸 3 plátanos (canto máis maduros mellor)
🔸 1 sobre de lévedo en po
🔸 1 chisco de sal
Ingredientes para a crema, cobertura e decoración:
🔸 250 ml de nata
🔸 300 g de queixo crema (tipo Philadelphia)
🔸 1 cullerada de esencia de vainilla
🔸 1 libra de chocolate
🔸 Trufas
Preparación:
1. O primeiro paso é facermos o amoado do biscoito. Para iso, esmagamos os plátanos con axuda dun garfo. A continuación, botamos o resto dos ingredientes líquidos e batemos. Por último, engadimos os sólidos.
2. Prequentamos o forno a 180ºC e enfornamos durante 30-35 minutos aproximadamente.
3. Canto o biscoito estea listo, agardamos uns minutos antes de sacalo do molde e deixamos que arrefríe sobre unha bandexa de reixas.
4. Para facermos a crema, montamos a nata mesturada co queixo e a esencia de vainilla. Lembra que a nata ten que estar ben fría.
5. A seguir, cortamos o biscoito en rebandas do mesmo grosor (este é o paso máis difícil). Estendemos a crema polas diferentes capas e, por último, cubrimos a torta de máis crema.
6.Para decorala, temos de relar o cholocate e cubrir toda a torta con el. Coa crema que nos sobrou facemos un debuxo coa axuda da manga pasteleira e poñemos trufas por riba. Bo proveito!
🍊 Se fas esta receita non esquezas etiquetarnos e partillala co cancelo #medialaranxa
