Albóndegas de bacallau con mollo de cabaza

Ingredientes para as albóndegas:⁠

🔸 500 g de migas de bacallau
🔸 1 ovo
🔸 50 ml de leite
🔸 100 g de pan duro
🔸 Pan relado
🔸 Sal

Ingredientes para o mollo de cabaza:⁠

🔸 1/2cabaza
🔸 1 pataca
🔸 1 cenoria
🔸 1/2 porro
🔸 2 dentes de allo
🔸 Sal e pementa

👉 Preparación:⁠

1. Para facermos as albóndegas, picamos as migas de bacallau ao noso gusto. A seguir, cortamos o pan en anacos pequenos e poñémolo a remollo no leite.
2. Nun recipiente, batemos o ovo, engadimos o bacallau e o pan escoado. No caso de que nos quede moi líquido porque non escoamos ben o pan, engadimos unha cullerada de pan relado.
3. Mesturamos todo e facemos boliñas. Rebozámolas e fritímolas até que fiquen douradas.
4. Para facermos o mollo, nunha ola botamos catro culleradas de aceite e rustrimos o allo e o porro. Cando estean dourados, engadimos o resto dos ingredientes en anacos e cubrímolos de auga. Deixamos que coza todo e cando estea todo ben cocido, trituramos. Cómpre non esquecérmonos de salpementar.
5. Unha vez teñamos feito o mollo, engadimos as albóndegas e listo. Bo proveito! 😉

🍊 Se fas esta receita, non esquezas etiquetarnos e partillala co cancelo #medialaranxa !!

Deixar un comentario

O teu enderezo electrónico non se publicará Os campos obrigatorios están marcados con *