Empanada galega

A empanada é un dos nosos pratos máis tradicionais e dos máis versátiles, xa que se pode facer do que se queira. Nesta ocasión, fíxena de bonito porque é da que máis gosto, mais a masa que vos deixo a seguir vale para o recheo que queirades. Por certo, a empanada da foto é pequena porque era para tres persoas e usei a metade dos ingredientes.


Ingredientes: ⁠

🔸 500 g de fariña
🔸 150 ml de leite
🔸 150 ml de AOVE
🔸 1 cullerada de sal
🔸 1 ovo

Recheo:

🔸 2 ovos
🔸 300 g de bonito
🔸 1 cebola grande
🔸 1 pemento vermello

Preparación:⁠

1. Para facermos a masa da empanada, mesturamos todos dos ingredientes até obtermos unha masa compacta como a do pan e deixamos repousar unha media hora.
2. Mentres agardamos, facemos o recheo. Para iso, rustrimos a cebola nunha tixola xunto co pemento. Cando estea listo, engadimos o bonito e os ovos previamente cocidos e picadiños.
3. Dividimos a masa en dúas partes (lembra que a capa de abaixo ten de ser un pouco máis grande) e con axuda dun rolete, estiramos a masa e dámoslle a forma que queiramos, ben redonda, ben rectangular.
4. Recheamos a nosa empanada, colocamos a capa de riba e unimos os extremos enrolando a masa para que non se despegue coa calor. Coa masa que nos sobrou dos bordes, podemos facer unhas tiras para decorala e antes de metela no forno pasámoslle un ovo batido cun pincel para que ao saír fique brillante.
5. Prequentamos o forno a 200ºC durante 15-20 minutos e metemos a nosa empanada durante 45 minutos (ou un pouquiño máis en función do forno).
6. Bo proveito! 😉

🍊 Se fas esta receita, non esquezas etiquetarnos e partillala co cancelo #medialaranxa!!

2 comentarios sobre “Empanada galega”

    1. Ola! Neste caso, a masa non precisa fermeto nin lévedo porque non é masa tipo pan exactamente. Como temos que estirala moito para facer dúas capas ben finiñas, vainos quedar unha masa crocante. 🙂

Deixar un comentario

O teu enderezo electrónico non se publicará Os campos obrigatorios están marcados con *

Aviso legal · Política de privacidade · Política de cookies · Condicións do servizo · Normas para o usuario