Albóndegas de atún

Ingredientes (para 8 albóndegas aprox.):⁠

🔸 4 latas de atún
🔸 1 ovo
🔸 1 cebola grande
🔸 ½ pemento vermello
🔸 3 tomates
🔸 1 dente de allo
🔸 Pan relado
🔸 1 litro de caldo de verduras
🔸 Sal, pementa e perexil

Preparación:⁠

1. Para facermos as albóndegas, mesturamos o atún co ovo, o allo picado e salpementamos. Dámoslle forma de bóla e selámolas nunha tixola cun pouco de aceite.
2. Para prepararmos o mollo, rustrimos a cebola, o pemento e o tomate. Cando estean feitos, engadimos o caldo de verduras e deixamos que coza todo uns 5 minutos. Pódese engadir unha cullerada de fariña no caso de querermos o mollo máis espeso.
3. A seguir, trituramos todo e engadimos as albóndegas. Deixamos que cozan uns 10 minutos e listo. Bo proveito! 😉
   

🍊 Se fas esta receita, non esquezas etiquetarnos e partillala co cancelo #medialaranxa !!