Rosco de laranxa

Media Laranxa celebrou o seu primeiro aniversario cun concurso de receitas e o alumnado do IES Leiras Pulpeiro quixo participar. Unha das alumnas que dediciu tentarnos con esta apetecíbel sobremesa é Eva Díaz García.

Ingredientes:

• 3 vasos de fariña.
• 3 vasos de azucre.
• 1 sobre de lévedo.
• 1 ducia ovos.
• ¾ dun vaso de aceite de xirasol.
• 1 vaso e medio de zume de laranxa sen polpa.
  

Materiais necesarios:

• 1 molde para o rosco.
• 1 culler grande de madeira.
• 2 cuncos
• 1 batedor específico para montar as claras.

Pasos a seguir:

1. Nun cunco, mesturamos a fariña, o azucre, o aceite e mais o lévedo.
2. Esprememos as laranxas e engadímos o zume no cunco coa mestura anterior.
3. Acendemos o forno a unha temperatura de 170ºC, pode variar dependendo do forno.
4. Nos ovos, separamos xemas e claras. As claras apartámolas nun segundo cunco e as xemas incorporámolas á mestura anterior.
5. Revolver con movementos envolventes até conseguir unha mestura homoxénea.
6. Montar as claras a punto de neve e engadilas no cunco anterior.
7. Seguir remexendo ata conseguir de novo outra mestura homoxénea.
8. Metemos a preparación no molde para o rosco.
9. Introducilo no forno durante 1 hora aproximadamente.
10. Sacalo con coidadiño para non queimarse. Para deixar arrefriar poñémolo boca abaixo para que non se esmague.
11. Unha vez que estea frío, que debe levar 6 ou 7 horas, sacámolo do molde cun coitelo e
    cunha escumadeira.