Ingredientes para a masa:
🔸 220 g de fariña
🔸 1 culleriña de lévedo en po
🔸 1 cullerada de cacao
🔸 6 culleradas de azucre
🔸 6 culleradas de AOVE
🔸 8 culleradas de leite
Ingredientes para a crema:
🔸 300 g de queixo en crema
🔸 300 ml de nata
🔸 50 g de azucre
Decoración: froitas, flores comestíbeis etc.
Preparación:
- Facemos a masa mesturando primeiro o leite, o aceite e o azucre. A seguir, incorporamos a fariña, previamente mesturada co lévedo e o cacao. Amasamos até obter masa de galletas.
- Dámoslle a forma que queiramos e enfornamos durante 15 minutos a 180ºC.
- Para prepararmos a crema, mesturamos todos os ingredientes e batemos até que a nata se monte. É importante que os ingredientes estean ben fríos.
- Con axuda dunha manga pasteleira, decoramos ao noso gusto .
- Por último, engadímoslle a froita que máis nos guste. Bo proveito!
🍊 Se fas esta receita, non esquezas partillala co cancelo #medialaranxa !!