Torta de amorodos e chocolate sen forno

Ingredientes para a base:

🔸 65 g de améndoas
🔸 20 g de avea
🔸 45 g de dátiles
🔸 1 cullerada de cacao

⁠Ingredientes para a crema:

🔸 5 follas de xelatina
🔸 2 iogures
🔸 200 g amorodos
🔸 50 ml de leite
🔸 60 g de chocolate

Preparación:⁠

  1. Para facermos a base trituramos as améndoas coa avea, a cullerada de cacao e os dátiles.
  2. Repartimos a mestura nun molde de 15 cm.
  3. Para prepararmos a crema, hidratamos a xelatina en auga fría. A seguir, trituramos os amorodos e mesturámolos co iogur. Diluímos a xelatina no leite quente e engadímola á mestura anterior.
  4. Con coidado vertémola sobre a base e gardámola na neveira até que calle.
  5. Por último, derretemos o chocolate e cubrimos a superficie. Bo proveito!

🍊 Se fas esta receita, non esquezas etiquetarnos e partillala co cancelo #medialaranxa !!

Deixar un comentario

O teu enderezo electrónico non se publicará Os campos obrigatorios están marcados con *