Imos darlle a benvida ao outono con este prato de pasta. Garda a receita e compártea se che gustou.
Ingredientes:
🔸 400 g de gambas
🔸 300 g de espaguetes de ovo
🔸 400 g de cogomelos
🔸 ½ cullerada de mostaza
🔸 80 ml da auga da cocción da pasta
🔸 100 ml de leite evaporada
🔸 AOVE
🔸 Sal e pementa
🔸 Queixo parmesano
Preparación:
- Pomos unha pota a ferver cun pouco de sal e cociñamos os espaguetes seguindo as instrucións do paquete para que fique ao dente.
- Nunha tixola, douramos os allos e os cogomelos. Cando estean feitos, reservámolos. Nesa mesma tixola facemos as gambas. Cando estean a medio facer, engadimos os cogomelos, o leite evaporado, a mostaza, o caldo da cocción da pasta e deixamos que se remate de facer a lume baixo.
- Engadimos os espaguetes e cando a salsa burbulle, tapamos a tixola co seu testo e cociñamos 5 minutos máis até a salsa espesar.
- Á hora de servirmos, relamos un pouco de parmesano por riba e botamos un pouco de pementa e perexil se quixermos. Bo proveito!
🍊 Se fas esta receita, non esquezas etiquetarnos e partillala co cancelo #medialaranxa !!
Unha receita sinxela e moi sabrosa, grazas
Grazas a ti! Espero que che guste cando a fagas. 🙂