Esta sobremesa está ligada ao tizón de Nadal galego. Trátase dunha tradición de noso presente no rural. Era costume no día de Noiteboa, varrer a lareira até deixala ben limpa. Logo, prendíase un madeiro de carballo que ficaba aceso até Aninovo. Esta tradición, ligada a ritos pagáns, representa o lume novo que dá vida e boa sorte ao ano novo que está por comezar.
Ingredientes para o biscoito:
🔸 6 ovos
🔸 100 g de azucre
🔸 120 g de fariña
🔸 50 ml de aceite de oliva
🔸 1 culleriña de esencia de vainilla
Para o recheo:
🔸 350 ml de nata
🔸 250 g de chocolate
🔸 250 g de doce de leite
Para o almibre:
🔸 175 ml de auga
🔸 80 g de azucre
Para a decoración:
🔸 Chocolate negro
🔸 Turrón brando
🔸 Azucre glas
👉 Preparación:
- O primeiro paso é batermos as claras a punto de neve cun chisco de sal e 50 g de azucre. Noutro cunco, batemos as xemas co azucre restante até branquearen. Nese momento, engadimos o aceite e integrámolo.
- A seguir, engadimos ás xemas a fariña peneirada e, a continuación, as claras con movementos envolventes.
- Vertemos a masa sobre unha bandexa de forno con papel vexetal e estendémola por toda a superficie e enfornamos durante 10-12 minutos a 180ºC.
- Cubrimos con azucre glas a superficie do biscoito para evitar que se pegue, enrolámolo cun pano e deixamos que arrefríe.
- Para facermos o almibre fervemos a auga co azucre uns 5 minutos.
- Para o recheo, poñemos a nata ao lume e cando ferva, retirámola e botamos o chocolate en anacos. Agardamos a que derreta e batemos.
- Despois, engadimos o doce de leite e batemos cun batedor eléctico até se integrar. Gardamos a crema na neveira unha hora. Pasado ese tempo, batemos de novo para darlle cremosidade.
- Despregamos o biscoito, pincelámolo co almibre, estendemos a crema e enrolamos o tronco con moito coidado.
- Por último, derretemos chocolate ao baño maría e cubrimos o tronco. Agardamos a que arrefríe e cunha xiringa de repostaría debuxamos liñas para simular a casca do tronco. Esparexemos azucre glas e turrón esmiuzado por riba e listo. Bo proveito!
🍊 Se fas esta receita, non esquezas etiquetarnos e partillala co cancelo #medialaranxa