Para eses días que non che apetece cociñar moito, mais queres algo rico, estes champiñóns recheos de xamón son a túa salvación. Son rápidos de facer e riquísimos!
📝 Ingredientes (para dúas persoas):
🔸 6 champiñóns grandes
🔸 250 gramos de xamón en anacos
🔸 250 ml de salsa de tomate
🔸 queixo relado
👉 Preparación:
1. O primeiro paso é sacármoslles a pel de fóra aos champiñóns e quitármoslles o tronco.
2. A seguir, cortamos os troncos dos champiñóns en anacos pequenos e rustrímolos nunha tixola cun pouco aceite e cando estean case feitos, incorporamos o xamón e a salsa de tomate.
3. Enchemos os champiñóns co recheos e esparexemos queixo relado por riba.
4. Por último, enfornamos os champiñóns uns 15 minutos a 180ºC. Bo proveito!
🍊 Se fas esta receita, non esquezas etiquetarnos e partillala co cancelo #medialaranxa