Media Laranxa celebrou o seu primeiro aniversario cun concurso de receitas e o alumnado do IES Leiras Pulpeiro quixo participar. Unha das alumnas que se atreveu a pórse diante dos fogóns a cociñar foi Marta Vázquez Saavedra con estes coquiños.
Ingredientes:
- 300 g de coco relado
- 150 g de azucre
- 2 ovos
Preparación:
- Para comezar a preparar este doce debemos romper os ovos nun caneco, batelos e ir engadindo o azucre.
- Despois de remexer os ovos mais o azucre ten que quedar unha masa espesa. Cando esa masa xa está moi ben batida comezaremos a botar o coco relado mentres seguimos remexendo.
- Cando xa teñamos os ingredientes batidos collemos a bandexa do forno e forrámola con papel vexetal. Unha vez colocado o papel ímoslle poñendo pequenas cantidades de masa coma se fosen pequenas pirámides sobre o papel.
- Para rematar metemos a bandexa dentro do forno (co forno a 160-180°C) e soamente nos quedaría agardar uns 15 minutiños aproximadamente ata que queden cunha cor douradiña.
Pintaza! Mellor saberán. Parabéns da túa profe de Galego, Marta!