Ingredientes:
🔸 180 g de fariña de espelta
🔸 2 plátanos
🔸 1 sobre de lévedo en po
🔸 65 g de panela
🔸 125 ml de bebida vexetal
🔸 80 ml de aceite de oliva
🔸 Marmelada de amorodos
🔸 Unha presada de amorodos
Preparación:
- Antes de máis, nun cunco botamos os plátanos esmagados, a panela, o leite e o aceite e remexemos. A seguir, engadimos a fariña mesturada co lévedo e batemos até obtermos o amoado.
- Enchemos os moldes para madalenas co amoado até a metade. Facemos un oquiño no centro e engadimos unha cullerada de marmelada de amorodos e cubrímola con outra cullerada de amoado.
- Por último, esparexemos por riba anacos pequenos de amorodos e enfornamos as madalenas 20 minutos a 180ºC. Bo proveito!
